Бастауыш мектеп мектепке дейінгі білім беруден басталады
Қазіргі уақытта білім беру сатылары арасындағы сабақтастықтың жалпы принциптерін анықтау мәселесі ерекше өзектілікке ие болды. Бұл мектепке дейінгі және бастауыш білім берудің көп ваиантты білім беру кеңістігіне байланысты. Мектепке дейінгі және мектептегі білім беру сатылары арасындағы сабақтастық тек балаларды мектепте оқуға дайындау ретінде ғана емес, балалардың мектепке бару бейімділігін жеңілдету керек, мұғалімдер мектепке дейінгі ұйымда жұмыс істеудің формалары мен әдістерімен мұқият танысып, бірінші сынып оқушыларына жаңа жағдайларға тезірек бейімделуге көмектесуі керек.
Мектепке дейінгі ұйымда да, мектепте де білім беру процесі баланың жеке басының қалыптасуына бағынуы керек: оның құзыреттілігін, шығармашылығын, тәуелсіздігін, жауапкершілігін, еріктілігін, өзін – өзі тануы мен өзін-өзі бағалауын, мінез-құлық бостандығы мен қауіпсіздігін дамыту. Демек, балабақша мен мектеп арасындағы сабақтастықтың негізі: қызығушылықты дамыту; шығармашылық мәселелерді өз бетінше шешу қабілетін дамыту; баланың интеллектуалды және жеке дамуына бағытталған шығармашылық қиялды қалыптастыру; қарым-қатынасты дамыту (ересектермен және құрдастарымен қарым-қатынас жасау мүмкіндігі).
Осы мақсаттарды негізге ала отырып, «Балауса» балабақшасы, №44 «Тұлпар» балабақшасымен бірлескен жоспар жасалды.
Жалпы сабақтастық жоспары 3 бағытқа бағытталды: 1.Әдістемелік жұмыс 2.Балалармен жүргізілетін іс-шаралар. 3.Ата-аналармен өзара әрекеттесу. Жалпы бастауыш сынып мұғалімдері мен мектепалды даярлық сынып мұғалімдері жыл бойы үздіксіз сабақтастық жұмыстарын атқарады. Жоспарға сай іс-шаралар мен жиналыстар өткізіледі. Жоспарға сай барлық іс-әрекеттер мектеп сайты мен инстаграмм желісіне уақыты жүктеліп отырды.
