Мемлекеттік қызмет көрсету бойынша анықтама
"Жалпы білім беретін мектептердегі білім алушылар мен тәрбиеленушілердің жекелеген санаттарына тегін және жеңілдетілген тамақтандыруды ұсыну" мемлекеттік қызмет көрсету бойынша анықтама
Мемлекет басшысы Қ.Ж.Тоқаевтың тапсырмасы бойынша биыл әлеуметтік мәртебесіне қарамастан бастауыш класс оқушылары тегін ыстық тамақпен қамтылды. Ақтөбе облысының білім басқармасының 01.09.2023 жылғы № 4/3895 кепілдік хаты негізінде жалпы білім беретін мектептерде 2023 - 2024 оқу жылында 04 қыркүйектен бастап 1 - 4 класс білім алушыларына тегін ыстық тамақ ұйымдастырылды. Мектебімізде І кезеңде - 1,4 кластарда 166 білім алушы, ІІ кезеңде - 2,3 кластарда 151 білім алушылар тегін ыстық тамақпен қамтылды. 5-11 класс білім алушыларына ата-аналарының тапсырған қажетті құжаттары бойынша "Жалпы білім беретін мектептердегі білім алушылармен тәрбиеленушілердің жекелеген санаттарына тегін және жеңілдетілген тамақтандыруды ұсыну" мемлекеттік қызмет көрсетіліп отыр. Ақтөбе облысы бойынша жалпы білім беретін мектептердің жекелеген санаттағы және 1 - 4 сыныптардың барлық оқушыларының тегін ыстық тамағын ұйымдастыруға арналған 2 апталық ас мәзірі Ақтөбе облысының білім басқармасының басшысы Ж.Сұлтанмен бекітілді. Ас мәзірі бойынша әр балаға 1 күндік бекітілген баға 507 теңге құрайды. Мектеп асханасын жалға алып отырған жеке кәсіпкер «Ж.Л. Садуакасова» осы қызметті көрсетеді. Оқушылардың тамақтану кестесіне сәйкес уақытылы тамақтануы және күнделікті берілетін тамақтың сапасы, құрамы, температурасы мектеп медбикесі бақылап, тексеріп отырды. Әсіресе, оқушылардың денсаулығына қауіпті астардың болдырмауы мен уланудың алдын алу үшін күнделікті ас мәзірден сынама жүргізіліп отырады. Сонымен қатар, асхананың жалпы тазалығы, қол жуатын орынның талапқа сай болуы, асханада тиым салынған заттардың сатылымға шықпауы және асхана қызметкерлерінің медициналық тексерістен өтуі мен санитарлық-гигиеналық талаптарға сай болуы (арнайы киім формасының болуы, тазалығы т.б.) бақылауда болды және кемшілік байқалған сәтте ескертулер берілді. Асханада қол жуатын орында сабын, асхана залында сағат, температура өлшегіш құрал мен тіркеу журналы, ас мәзір бұрышы, ата-аналардың арыз-шағым, ұсыныс жазатын журналдары бар. Мектеп медбикесі дайын тағамның бракераждық журналын үнемі жүргізіп отырады. Бракераждық комиссияның отырыстары болып хаттамалары жүргізіледі. Жалпыға бірдей білім беру қорындағы тамаққа аударылған қаражатының игерілуі күнбе - күнгі, ай сайын және тоқсан бойы тамақтануы қадағаланып, есеп бөліміне құжаттары тапсырылады. Көрсетілген қызмет бойынша ата – аналардан осы күнге дейін ешқандай шағымдар болған жоқ.
Мектеп директоры: Ж.К.Касымов
Директордың жалпыға бірдей білім беру жөніндегі орынбасары: А.О.Омарова
Әлеуметтік педагог: А.С.Кенжалина
